10/5/2008 自助早餐 --> 體驗大長今親手製造泡菜 --> 韓服試穿 --> TIGER WORLD溫泉水上樂園（連自費午餐） --> 晚餐（人參雞湯） --> 回酒店

8.45am 依舊八時morning call，八點九集合，出發到餐廳，今餐終於見到「茶煲阿四」的炸醬麵，但原來係好難食，正確一點來說，這個炸醬麵一點味道也沒有，看它頻色深深，以為味道很濃，原來是無味的。原來韓國的油炸鬼又硬又無味。在餐廳外買了指甲鉗做手信，最開心是可以成功講到價！

10.15am 第一站先到kimchi school學造泡菜，都不算太難學，而且，包野抽空氣係我的強項，所以，easy job啦！試飲一杯人參奶，人參味唔太重，奶妹甜甜地，幾好味喎！試食了一點韓式小食，超難食，太甜！之後試穿韓服，我穿得成個大肚婆咁，好核突；她們三個靚得多！

12.30pm 到了Tiger World溫泉水上樂園，個行程安排都真是很有問題，有咩可能在一個水上樂園浸水浸足六個鐘？inez唔浸得水，我們仨就到處浸浸，不過無去溫泉，因為韓國同日本一樣，都係要光脫脫地浸，所以我地就無去浸。食過午餐，又係我好鍾意食的烏冬，果然到處的烏冬都是同一味道，不過我鍾意！之後到游池游水，見識到韓國人真是很無聊，居然有兩個男職員在台上跳熱身操，池中的大小朋友齊齊跟著做，最滴汗的動作仲唔係那個雙V手勢？！滴哂汗？！之後去玩滑梯，玩左兩條梯，好好玩！之後去左spa池，玩左個親親魚fish therapy，起初好痕，但後來都習慣了，最好笑是vincci同maggie兩個人引哂全場的親親魚，結果坐對面的太太及肥仔一條魚都引唔到去，我都只得十多條親親魚幫我吸死皮。做了幾個spa，焗了兩分鐘桑拿，之後覺得實在太悶，而且浸到皮都甩，結果決定去梳洗。成班阿豬媽同阿家斯赤條條地在更衣室走動，我們當然唔夠膽啦，結果，好「香港人」地穿住泳衣地沖涼洗頭，再轉入去廁所換衫，之後再行返落去吹頭，這兒有部機器又幾好喎，可以快速轉乾泳衣。梳洗完後出門口影相，before and after 相，絕對表達到當時我們的無奈！去之前有一點期望，但除了浸水，就是浸水，inez唔落水覺得悶，但我唔見得我們落水的會有甚麼好玩，我們只是在水裏發呆，一樣覺得無聊！以後有甚麼水上樂園，都唔好預我喇！

7.30pm 到餐廳食晚飯，今餐食的就是人參雞湯，先喝一小口人參酒，好辣口，所以倒左半杯到鍋雞渴內；一鍋一隻雞，再加一小半條人參，再加一小團麵線，幾好味，食到全身熱辣辣，可能我太肚餓，結果食哂全隻雞，但maggie只要把隻雞完隻拆件，放在置骨碟上。XD其實今晚我不是食得太飽，不過無所謂啦，讓個胃休息一會。

9pm 到了當地的一間超市逛逛，maggie她們勁瘋狂地掃貨，而我只買了一盒包裝好靚的高笑美餅、一盒韓版樂天牌蘋果批、及一盒銀魚乾，我已經係全場最忍得手的，她們真是很瘋狂地掃貨，我則最享受係格價的過程，可惜，原來韓國的超市檟價好有問題，大部分的價錢都不是對應著那些貨物，那個職員更說：「no label, no label!」感覺就好似是我們沒有看清楚，是我們的錯，試問一個外國人甚會看得明那些韓文呢？之後回酒店，大家都累了，所以都選擇早點休息。